Banorët e Reçicës së Vogël kanë një kërkesë për BDI-në: Largohuni nga lagjja jonë

Shpërndaje

Incidenti i djeshëm në Reçicë të Vogël, pas një zënke me armë zjarri ku gjeti vdekjen një banorë i Kumanovës dhe dy të plagosur, i ka indinjuar thellë banorët e Reçicës së Vogël, kuptohet duke shprehur keqardhje për viktimën, por edhe duke shprehur revoltën se në ketë incident ka mundur ta pasoj keq çdo banor i pafajshëm i Reçicës së Vogël.

Ata thonë se ky rast nuk është i pari, ka patur edhe një rast tjetër, para disa viteve kur edhe është sulmuar selia e BDI-së, ku ka patur shumë viktima dhe është përdorur arsenal i rëndë armësh, që trishtuan dhe rrezikuan shtëpitë dhe banorët që jetojnë për rreth selisë së BDI-së.

Këto raste, që siç thonë banorët e Reçicës së Vogël kane prishur imazhin e Reçicës së Vogël, kanë rrezikuar jetën e banorëve të saj shpeshherë për aksidente që kanë shpërthyer nga selia e BDI-së dhe e kanë shndërruar këtë lagje të pasigurtë për jetesë.
Banorë të indinjuar të Reçicës së Vogël, vlerësojnë se selit partiake nuk duhet të jenë në afërsi te shtëpive të lagjeve periferike, por të njejtat duhet të jenë në qytet ose qendër aty ku frekuenton më shumë policia dhe që nuk janë lagje të populluara me banor siç është rasti i Reçicës së Vogël.

Madje ata shprehin hidhërim se selia e BDI-së dhe zënkat që kanë ndodhur aty me pasojë vrasje kanë rrënuar imazhin e Reçicës së Vogël që njihej si Lagjia që e lindi Universitetin e Tetovës, dhe banorët e saj shumica nga malësia e Tetovës bënë shumë sakrificë dhe dhuruan shtëpitë e tyre Universitetit. /albeu.com/

Loading...