Erdoğan bën thirrje për vendosjen e një “themeli të ri për paqen në botë”

Presidenti i Republikës së Turqisë, Recep Tayyip Erdoğan, deklaroi se Turqia nuk ka aspirata territoriale në Siri, as në ndonjë vend tjetër në botë, raporton Anadolu Agency (AA).

“Operacionet të cilat i zbatojmë në Siri kanë dy objektiva. I pari, të heqim kërcënimet terroriste ndaj Turqisë, ndërsa i dyti është që të bëjmë një zonë të sigurt në Siri, e cila do të jetë e qetë dhe adekuate për banim të refugjatëve të cilët aktualisht qëndrojnë në Turqi”, tha Erdoğan në një prononcim në Stamboll.

Presidenti turk Erdoğan bën thirrje për vendosjen e një “themeli të ri për paqen në botë”, ku vendet nuk do të bombardohen në mënyrë të rastësishme.