Mediat turke: Me arrestimin e “gylenistëve” në Kosovë, bllokohet rruga e Gylenit në Ballkan
Arrestimi dhe deportimi i gjashtë shtetasve turq nga Kosova, ka bërë bujë edhe në mediat turke. Madje personat që u deportuan nga Kosova, disa media atje po i cilësojnë si “truri i organizatës së Gylenit në Ballkan”.
Në artikuj të veçantë mediat turke kanë shkruar për veprat që akuzohen gjashtë shtetasit turq të arrestuar në Kosovë.
Star.Tr është një medie turke e cila raporton se me arrestimin e gjashtë “gylenistëve” në Kosovë, rruga e Fetullah Gylenit në Ballkan u ndërpre.
“Intelegjenca turke e cila organizoi një operacion me intelegjencën e Kosovën, sollën në Turqi gjashtë anëtarë të organizatës terroriste të Gylenit”, shkruan kjo medie, transmeton lajmi.net
Të deportuarit, sipas mediave turke, kanë qenë përgjegjësit kryesorë, që sipas tyre duke u paraqitur si mësues, kanë shtrirë ndikimin në vendet Ballkanike dhe ato të Evropës.
“Të dyshuarit, duke u përpejkur të shpëtojnë nga Turqia organizojnë kalimin në vendet evropiane dhe në SHBA duke u paraqitur si mësues”, thuhet tutje në raport.
Mediat e afërta me Erdoganin gjithashtu i kanë dhënë përmasa të mëdha, kërcënimit që presidenti turk i bëri Haradinajt.
Disa nga to kanë vendosur në ballina, fjalët e Erdoganit se “Haradinaj do të jap përgjegjësi”.
Gjithë ky reagim erdhi pas shkarkimit të ministrit të brendshëm dhe drejtorit të AKI-së.
Këto dy institucione u ciklësuan si fajtore për arrestimin e gjashtë shtetasve turq.
Lajmi.net dje ka sjellur pamje ekskluzive për largimin e “gylenistëve” nga Kosova.
