Po raportonte nga Gaza, gazetarja shpëtoi ‘për fije’ nga snajperi… pastaj nga gazi lotsjellës (Vieeo)

Një gazetare e Al Jazeera arriti ti shpëtonte një plumbi të një snajperi dhe një goditje nga një granatë e gazit lotsjellës nga forcat izraelite, ndërsa po raportonte protestat vdekjeprurëse në Gaza.

Siç raportojnë mediat e huaja, pamjet dramatike tregojnë momentin kur korrespondentja e rrjetit ndërkombëtar, Hoda Abdel-Hamid, ishte para kamerës, pasi një plumb i kaloi shumë pranë.

Gazetarja kishte veshur një kokore dhe jelek anti-plumb.

Në mesazhet e postuara së bashku me videon, Abdel-Hamid, e cila po trajtohet në spital, ka shkruar:

“Kjo ndodhi larg nga gardhi dhe askush përreth nesh nuk po hidhte gurë ose nuk bënte ndonjë gjë tjetër …njerëzit ishin të ulur, duke shikuar nga larg duke u përpjekur të ruheshin. Por nuk kishte ndonjë vend të sigurt, as afër gardhit, e as më larg”. 

Raportohet se rreth 60 persona u vranë në përleshjet e djeshme dhe më shumë se 2,000 u plagosën pasi u zhvilluan protesta të mëdha gjatë hapjes së ambasadës së re të Amerikës në Jerusalem.

This happened too – pretty sure elites snipers know what and where they are targeting pic.twitter.com/faRx8GxcKd

— Hoda Abdel-Hamid (@HodaAH) May 15, 2018