Aksident i rëndë në Shtip, 26 të lënduar

Në rrugën magjistrale Koçani- Shtip, mëngjesin e sotëm ka ndodhur një aksident ku janë përfshirë dy furgona dhe një kamion.

Si pasojë e aksidentit, janë lënduar 26 persona, të cilët kanë kërkuar ndihmë në Qendrrën Medicinale në Koçani.

“Ndërmjet fshatrave Çeshinovo dhe Kuçiçino ka ndodhur aksidenti mes dy furgonave “Fiat Dukato” me targa të Shtipit dhe “Ford transit” me targa të Koçanit si dhe një kamion i llojit “Skania”.

Deri tani të lënduar janë paraqitur 26 persona dhe të njëjtit janë dërguar në Qendrën Medicinale në Koçani”, kanë thënë nga MPB.