Ministri serb kujton Fadil Vokrrin: Ishe vëlla i ndershëm, mik…

Ministri i Administratës Publike në Qeverinë e Serbisë, Branko Ruzhiq ngushëlloi për vdekjen e Kryetarit të Federatës së Futbollit të Kosovës, Fadil Vokrri.
Vokrri në vitet e 80-ta kishte luajtur për ekipin serb të futbollit ‘Partizani’ dhe kështu po e kujtojnë qytetarët e Beogradit në kohët e arta kur ai shkëlqeu në këtë ekip.

Përmes një statusi në Twitter, Ruzhiq kujtoi Vokrrin si një njeri të ndershëm.

“Ishe vëlla i ndershëm, mik, njeri dhe Partizanas me zemër. Faleminderit Fadil për të gjitha. Prehu në paqe”, shkroi Ruzhiq.

Kryetari i Federatës së Futbollit të Kosovës nuk i ka mbijetuar sulmit në zemër që ka pësuar në mëngjesin e sotëm.

Vokrri ka vdekur në Qendrën Klinike Universitare të Kosovës.

Bio si mi iskreni Brat,Prijatelj,Čovek i Partizanovac do srži. Hvala Ti Fadil na svemu. Počivaj u miru. Odlaziš u večnost🖤 @socijalisti pic.twitter.com/Ihs9xLicWV

— Branko Ružić (@brankoruzicsps) June 9, 2018