Rama mesazh ngushëllues për Vokrrin: Legjendë e gjallë e futbollit!

Ndarja e papritur nga jeta e presidentit të Federatës së Futbollit të Kosovës, Fadil Vokrrit, ka marrë sot gjithë vëmendjen, jo vetëm të opinionit sportiv. Shumë personazhe të njohur nga fusha të ndryshme ka dhënë mesazhin e tyre ngushëllues për lajmin tragjik.

Kryeministri i vendit, Edi Ram ka postuar një status të shkurtër në faqen e tij zyrtare në facebook, ku shpreh dhimbjen për atë që e quan legjendën e gjallë të futbollit të Kosovës dhe jo vetëm.

Statusi i Kryeministrit Rama:

LAMTUMIRË KAMPION – Fadil Vokrri mbetet legjenda e gjallë e futbollit jo vetëm ne Kosovë, po në kujtesën e çdo futbolldashësi shqiptar.