Humb jetën tragjikisht boksieri shqiptar në Kroaci

Boksieri Valentin Kajtazi ka vdekur gjatë një aksidenti tragjik që ka ndodhur në Tisno të Kroacisë, shkruajnë mediat kroate.

Klubi ku 27-vjeçari u stërvit për shumë vite, është tronditur nga ky lajm i hidhur.

“Çfarë të themi, kur në këtë mëngjes morëm lajmin e trishtuar, të gjithë në klub jemi në gjendje shoku. Valentini ishte shembull, ai ishte fillestar por në sajë të këmbënguljes së tij ai u bë një konkurrent dhe luftoi më së miri. Ky lajm na ka goditur. Valentini ishte djalë i mirë, pozitiv dhe shumë i vlefshëm, e pabesueshme që ka ikur”, tha Josko Sunara, trajner i Sibenikut, KBK Petar Kresimir. 

Stafi i portali fjala.mk i shpreh ngushëllime familjes, kurse të ndjerit Zoti e shpërbleft me Xhenet!