Tërmeti godet Alaskën, jepet paralajmërim për cunami (Video)

Shpërndaje

Pas tërmetit është lëshuar një paralajmërim në lidhje me rrezikun e një cunami në bregdetin jugor të Alaskës. Mediat amerikane raportojnë se nuk ka informacione në lidhje me viktimat e mundshme, dhe se forca e tërmetit, i cili goditi në mëngjes Alaskën, që ka dridhur ndërtesat, ka bërë që njerëzit të dalin nga zyra dhe apartamentet jashtë në rrugë.

Më herët është raportuar se një tërmet i fuqishëm goditi të premten qytetin Anchorage të Alaskës, duke shkaktuar dëme materiale, por nuk ka njoftime për plagosje të rënda apo vdekje.

Tërmeti me magnitudë 7.0 bëri që zyrtarët të paralajmëronin për cunami për zonat bregdetare të Alaskës jugore, i cili më vonë u anulua.

Instituti Gjeologjik i SHBA tha se tërmeti ishte ndodhi rreth 13 kilometra në veri të qytetit Anchorage dhe goditi në orën 8:29 të mëngjesit.

Tërmeti tronditi ndërtesa, theu xhama dritaresh si dhe shkundi shtylla ndriçimi dhe pemë.

Banorët e qytetit postuan fotografi në mediat sociale ku dukeshin dëmtime në shtëpitë dhe bizneset e tyre, si dhe nëpër rrugë. Energjia elektrike u ndërpre për shumë banesa.

Njerëzit vraponin në rrugë nga frika ose përpiqeshin të mbroheshin brenda zyrave dhe shtëpive.

Universiteti i Alaskës tha se po do të qëndronte mbyllur të premten.

Aeroporti i qytetit Anchorage ndali përkohësisht të gjitha fluturimet dhe kulla e kontrollit ajror u evakuua.

VIDEO

VIDEO

Loading...