Britania dhe Holanda i japin mbështetje të plotë themlimit të Ushtrisë së Kosovës

Shpërndaje

Në seancën sotme urgjente të Këshillit të Sigurimit të OKB-së, Mbretëria e Bashkuar dhe Holanda i kanë dhënë mbështetje të plotë formimit të Ushtrisë së Kosovës.

Përfaqësuesit e të dy shteteve kanë theksuar se shteti sovran i Kosovës ka të drejtë në transferimin e FSK-së, dhe kjo nuk bie ndesh me Rezolutën 1244, dhe po ashtu është në harmoni me Kushtetutën e Kosovës.

Kurse përfaqësuesi i Francës e ka mbështetur formimin e Ushtrisë, por ka thënë se kjo është bërë në kohë të pa përshtatshme, pasi mund të përkeqësojë dialogun mes Kosovës dhe Serbisë.

Ai po ashtu ka kërkuar që Kosova të heq taksen 100% të vendosur ndaj produkteve serbe.

Kurse përfaqësuesi i Rusisë, ka kundërshtuar formimin e Ushtrisë së Kosovës, duke thënë se në FSK ka shumë ushtarë të UÇK-së, dhe sipas tij kjo paraqet rrezik.

Mbledhja e Këshillit të Sigurimit të OKB-së është thirrur me kërkesë të Serbisë dhe Rusisë, pas vendimit të Kuvendit të Kosovës për ndryshimin e mandati të FSK-së në ushtri të Kosovës. /Telegrafi/

Loading...