Kandidatura për presidente, Teuta Arifi: Një dekadë iu kam ‘shërbyer’ qytetarëve! Nëse qytetarët e kërkojnë, “Pse jo” (Video)

Shpërndaje

Kryetarja e komunës së Tetovës, Teuta Arifi në intervistë për emisionin 360 gradë në Alsat ka folur edhe për mundësinë e kandidimit të saj në zgjedhjet presidenciale, për kërkesën e BDI-së për kandidat konsensual dhe nëse ajo eventualisht do të ishte ndoshta një zgjedhje e mundshme e koalicionit qeverisës.

“Normalisht, unë jam me seriozitetin më të madh i shërbej zgjedhjes që qytetarët e Tetovës kanë bërë, por në karrierën time, tashmë më shumë se një dekadë, unë gjithmonë i jam përgjigjur atyre kërkesave, detyrimeve, mundësive në të cilat jam munduar të jap kontributin tim. Pra, absolutisht në varësi të rrethanave, por në këtë moment dëshiroj të theksoj edhe një herë se kam detyrim kryesor ndaj shërbimit të qytetarëve të Tetovës. Ndërsa, nëse koha dhe rrethanat më japin detyrime të tjera, sigurisht me mbështetjen e qytetarëve të mi, pse jo”, theksoi Arifi.

Loading...