Kryeministri Zaev uron ratifikimin e marrëveshjes së Prespës nga parlamenti grek, por i mungon urimi në gjuhën shqipe!

Shpërndaje

Kryeministri Republikës së Maqedonisë së Veriut, Zoran Zaev e ka uruar homologun e tij nga Greqia, Alexis Tsipras për votimin e marrëveshjes në Kuvendin grek, njofton Telegrafi Maqedoni.

“Ju uroj miku im Alexis Tsipras, së bashku me popujt tonë kemi shënuar fitore historike. Marrëveshja e Prespës le të jetë e përjetshme, le të jetë e përjetshme paqja dhe progresi në Ballkan dhe Evropë”, shkruan Zaev në profilin e tij Facebook.

Sot Kuvendi i Greqisë me 153 vota “për”, 146 vota “kundër” dhe 1 votë “Të përmbajtur” ka ratifikuar marrëveshjen me të cilën Maqedonisë i ndërrohet emri i shtetit në: Maqedonia e Veriut.

Por, një rikujtim për kryeministrin Zaev, “zotëri kryeministër nuk je kryetar partie këtë urim ta bësh vetëm në gjuhën maqedonase dhe angleze, je kryeministër i të gjithë qytetarëve, e në veçanti të votuesve shqiptarë që të votuan”! Respekto gjuhën shqipe!

Loading...