Aleanca për Shqiptarët reagon ashpër për dënimin e arbëreshit që ngriti flamurin Kombëtarë në Kalanë e Ohrit

Shpërndaje

Lidhur me rastin që sot ka ndodhur në Kalanë e Ohrit që në media u prezantua me shumë pompozitet se qenka vendosur flamuri kombëtarë shqiptarë nga një grup vizitorësh Arbëreshë nga Italia, për opinion përcjellim këtë:

REAGIM

Aleanca për Shqiptarët shprehë shqetësimin e sajë për mënyrën e reagimit nga ana e Ministrisë së Punëve të Brendshme në Ohër që sipas informacioneve tona dy pjesëtarë nga grupi i vizitorëve janë ndaluar nga ana e policisë.

Ngritja e flamurit Kombëtarë Shqiptarë sipas informacioneve që kemi aspak nuk ka pasur për qëllim provokimin e dikujt por është vendosur për koreografi të grupit të valltarëve nga shoqata kulturore Arbëreshe.

Vendosja e Flamurit Kombëtarë Shqiptarë në Kalanë e Ohrit nuk paraqet as shkelje ligjore e as rrezik për askënd, aq më pak kur dihet se në Maqedoninë e Veriut, shqiptarët përbëjnë 1/3 e popullatës dhe janë popull autoktonë.

Për ne si Aleancë shqetësues është fakti se kur bëhet fjalë për shqiptarët dhe simbolet e tyre kombëtare me keqardhje mundë të konstatojmë se aspak nuk ka ndryshuar logjika dhe mentaliteti diskriminues që ka qenë karakteristikë e sistemit komunistë jugosllavë dhe vazhdon edhe sot e kësaj dite.

Aleanca për Shqiptarët vlerëson se ky incident aspak nuk e ndihmon vendin në përcaktimin e sajë Euro-Atlantik dhe prishë imazhin e shtetit aspirantë për anëtarësim në NATO dhe BE.

Me respekt,

Loading...